الأدعيــاء للدكتور الأديب الشريف محمد بن راضي الحُسيني

من طرف زائر الثلاثاء أكتوبر 16, 2012 11:20 pm

الأدعيــاء
للدكتور الأديب الشريف محمد بن راضي الحُسيني

طرّزي يا سمان الهرج صمت الفعال
وثبّتي لي بهاك الصمت همسٍ ثقيل

وانصفي نفس حرّ ما لحقها المنال
ولا تبدّى بساحتها من القيل قيل

تنتخيها من العليا عزومٍ ثقال
وتنتزعها صدور ما كهبها المقيل

نفس حرٍّ ليا حبّت تشوف الهبال
وان تخلّت تشوف الكون عابر سبيل

نفس حرّ عليها من سماي الظلال
لن بدت وانت ما شفت الحصيل الحصيل

عفت سمر القدور وشمت صفر الدلال
عقب ما شفتها في حضن نذلٍ بخيل

يرتكض يحسب العليا رمت له حبال
ويتمايل على كفّة رداه الذليل

هيه يا اللي خضوعك للمعالي وصال
كيف ترضي المعالي وانت خانع كليل

يا دعيّ انتبه واذهن يمينك شمال
لطّختها هجوسٍ يزدريها النبيل

لا تحاول تبي تاصل وخيمك عقال
المطية رديّة والمضامي صميل

انت ما شفت من منشاك فعل الرجال
اخدعك زيف عمّانك وتهت السبيل

تحسب الفخر والعزّا تكبّر ومال
لا يغرّك جهام النذل جزله قصيل

شوف عمّك يا لو طلّعك روس الجبال
ساسكم من هيال وضلعكم من نثيل

للمروّات عمّ وللكرامات خال
وللمفاخر سمات وللمعزّة دليل

من مسيري ، عن الانذال مشيي لحال
وان همزت ابعد الممشى وليلي طويل

يا مضلَّل تعال اقول قصة تعال
خلّ عنك العلا والمرجلة يا هبيل

هاك خذها نصيحة واتّخذها عزال
طيع شوري وكبّ القوس وارم الفتيل

امسك ارضك ومعنا لا توهّط نزال
وين رايح تبي تركب؟ كديش هزيل

نعنبو وقت خلاّ لك بها الحال حال
ومن يعزّ الثبر مثلك بلا شكّ عيل

والخلاصة ترى السادة كرام السبال
خيمهم راس مالٍ للشريف النبيل